Hulusi Akar: “Azərbaycanın haqlı mübarizəsini dəstəkləmək üçün əlimizdən gələni edirik”

“Azərbaycan, Liviya kimi dost və qardaş ölkələrdə dostlarımızın, qardaşlarımızın haqlı mübarizələrini əlimizdən gəldiyi qədər dəstəkləməyə çalışırıq”.

BAKU.WS “Report”a istinadən xəbər verir ki, bu sözləri Türkiyənin milli müdafiə naziri Hulusi Akar NATO müdafiə nazirlərinin iclasından sonra jurnalistlərə açıqlamasında deyib.

“Regionumuz gərgin dövrdən keçir. Belə bir vaxtda NATO müdafiə nazirlərinin iki günlük iclası baş tutdu. Toplantıda başda Ukrayna məsələsi olmaqla Alyansın gündəmində olan regional və qlobal məsələlər müzakirə olundu”, - nazir vurğulayıb.