Hikmət Hacıyev NATO nümayəndə heyəti ilə sülh gündəliyini müzakirə edib

Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev NATO-nun nümayəndə heyəti ilə görüşüb.

BAKU.WS xəbər verir ki, Hikmət Hacıyev bu barədə özünün "X" sosial media hesabında paylaşım edib.

"NATO-ya üzv dövlətlərin daimi nümayəndələrinin Azərbaycana səfəri çərçivəsində onlarla görüşməkdən məmnunam. Görüş zamanı səmərəli və uğurlu NATO-Azərbaycan tərəfdaşlığına dair geniş müzakirələr apardıq, həmçinin regional təhlükəsizlik məsələləri və Azərbaycan-Ermənistan sülh gündəliyinin irəlilədilməsi ilə bağlı fikir mübadiləsi etdik", - paylaşımda qeyd olunub.

I am pleased to meet with the Permanent Representatives of NATO Member States who are on field study visit to Azerbaijan. We had broad overview of fruitful and successful NATO-Azerbaijan partnership and exchanged views on regional security issues and advancing Azerbaijan-Armenia… pic.twitter.com/JFlk61vDHW

— Hikmet Hajiyev (@HikmetHajiyev) November 7, 2025