"Haber Global": "Xocalı soyqırımının 33-ci ildönümü Ankarada qeyd edilib"

Ankaranın Kızılcahamam rayonunda yerləşən "Xocalı Abidəsi və Xocalı Muzeyi" kompleksində Xocalı soyqırımının 33-ci ildönümü qeyd edilib.

"Haber Global" televiziya kanalında tədbirin keçirildiyi məkandan süjet yayımlanıb.

Anma proqramı şəhidlərin xatirəsinə bir dəqiqəlik sükut, Azərbaycan və Türkiyənin dövlət himnlərinin sələndirilməsi ilə başlayıb.

Tədbirdə çıxış edənlər Xocalı soyqırımının mahiyyəti barədə danışaraq soyqırımı cinayətini törədənlərin ədalət mühakiməsinə çıxarılmasının zəruriliyini vurğulayıblar.