Ermənistanda 44 günlük müharibə zamanı saxta sənədlə xəstəxanada yatan polkovnik həbs edildi

Ermənistanda 44 günlük müharibə zamanı uydurma xəstəlik səbəbindən xəstəxanada yatan hərbi hissə komandirinin müavini həbs edilib.

BAKU.WS sputnik armenia-ya istinadən xəbər verir ki, bu barədə Ermənistan İstintaq Komitəsi məlumat yayıb.

Məlumata görə, həbs edilən şəxs 44 günlük müharibə zamanı ölkəsində hərbi vəziyyət elan edilməsinə baxmayaraq, 10 oktyabr - 3 noyabr tarixlərində saxta xəstəlik adı altında tibb müəssisəsində 23 gün ərzində stasionar müalicə alıb.

Qeyd edilib ki, hazırda məhkəmə polkovnik rütbəli şəxsi iki ay müddətinə həbs edib.