"Ermənistan Azərbaycanın bütün izlərini silməyə çalışıb" - Hikmət Hacıyev

Azərbaycanın işğaldan azad edilmiş Füzuli rayonunda qəbiristanlıq ermənilər tərəfindən yer üzündən silinib.

BAKU.WS xəbər verir ki, bu sözləri Azərbaycan Respublikası Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev “Twitter” hesabında yazıb:

“Hətta qəbiristanlıqlara da rəhm etməyiblər, erməni vandalizminə və barbarlığına məruz qalıb. İşğaldan azad edilmiş ərazilərə baxış zamanı Ermənistanın törətdikləri ilə bağlı daha çox faktlar və hərbi cinayətlər ortaya çıxacaq. Ermənistan bu ərazilərdə Azərbaycanın bütün izlərini silməyə çalışıb”.