Əminə Ərdoğan Mehriban Əliyevaya təşəkkür edib - FOTO

Türkiyə Respublikasının Prezidenti Rəcəb Tayyib Ərdoğanın xanımı Əminə Ərdoğan Azərbaycanın Birinci vitse-prezidenti Mehriban Əliyevaya zəlzələdəki çoxsaylı insan tələfatı ilə bağlı başsağlığına görə təşəkkür edib.

BAKU.WS xəbər verir ki, Əminə Ərdoğan bu barədə tvitter hesabında yazıb.

"Hörmətli Mehriban, başsağlığı mesajınıza və dərdimizi bölüşdüyünüzə görə ürəkdən təşəkkür edirəm. Can Azərbaycan çətin günümüzdə yardımımıza ilk gələnlərdən oldu. Dəstəyiniz üçün təşəkkür edirik. Dostlarımızın yanımızda olduğunu bilmək xoşdur", - Türkiyənin birinci xanımı sosial şəbəkə hesabında yazıb.

Qeyd edək ki, fevralın 6-da yerli vaxtla saat 04:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ qeydə alınıb. Son məlumatlara görə, zəlzələ nəticəsində həlak olanların sayı 2 921 nəfərə çatıb. Təbii fəlakət zamanı 15 834 nəfər yaralanıb.

Sevgili Mehriban, taziye mesajınız ve acımızı paylaştığınız için yürekten teşekkür ederim. Can Azerbaycan, zor günümüzde yardımımıza ilk koşanlardan oldu. Destekleriniz için müteşekkiriz. Dostlarımızın yanımızda olduğunu bilmek güzel. @1VicePresident

— Emine Erdoğan (@EmineErdogan) February 6, 2023