Əli Əsədov İrakli Kobaxidzeni təbrik edib

Azərbaycan Respublikasının Baş naziri Əli Əsədov Gürcüstanın baş naziri vəzifəsinə yenidən təsdiq edilməsi və yeni hökumətin formalaşması münasibətilə İrakli Kobaxidzeyə təbrik məktubu ünvanlayıb.
BAKU.WS xəbər verir ki, bu barədə Nazirlər Kabinetindən bildirilib.
Məktubda Azərbaycanın dost ölkə və etibarlı tərəfdaş olan Gürcüstanla münasibətlərinin yüksələn xətlə inkişaf etməsindən məmnunluq ifadə olunub.
Dərin tarixi əlaqələrlə bir-birinə bağlı olan iki ölkənin həm ikitərəfli əsasda, həm də çoxtərəfli qaydada qarşılıqlı maraq doğuran sahələrdə səmərəli əməkdaşlıq etdikləri vurğulanıb.
Qeyd olunub ki, Azərbaycan bundan sonra da Gürcüstan ilə dostluğa, qarşılıqlı etimad və dəstəyə əsaslanan əlaqələri və strateji tərəfdaşlığı genişləndirmək əzmindədir.
Oxşar xəbərlər
Sığorta ödənişi təzminat deyil: Rusiya XİN anlayışları təhrif edir
Rusiya Xarici İşlər Nazirliyi (XİN) 2024-cü il dekabrın 25-də AZAL-a məxsus təyyarənin qəzaya uğramasına görə sığorta ödənişlərinə həsr olunmuş geniş bəyanat ya...
