Düşmənin növbəti təxribatının qarşısı alındı - VİDEO

12 iyul təxribatı zamanı adekvat cavab tədbirlərindən dərs çıxarmayan düşmən silahlı qüvvələri Ermənistan-Azərbaycan dövlət sərhədinin Tovuz rayonu istiqamətində növbəti dəfə təxribata əl atıb.

Ağdam kəndində dinc sakinlər və yaşayış məntəqələri atəşə tutulub. İriçaplı silahlardan atılan mərmilər evlərə ciddi ziyan vurub. Kənd sakini Minayə Qasımovanın evi davamlı atəşə tutulduğundan daha çox ziyan məhz bu evə dəyib.

Erməni silahlı birləşmələri avqustun 17-si səhər saatlarında da təsərrüfat işləri ilə məşğul olan kənd sakinlərini atəşə tutub. Ordumuzun düşmənə adekvat cavab və cəza tədbirləri görüb. Düşmənin atəş nöqtələri susdurulub. Ümumilikdə cəbhəboyu ərazilərdə əməliyyat şəraiti ordumuzun nəzarəti altındadır.