İctimai nəqliyyat polis və hərbçilər üçün pulsuz olsun - YENİ TƏKLİF

“Polisin, həmçinin hərbçilərin ictimai nəqliyyatdan pulsuz istifadəsi təmin olunmalıdır”.

APA-nın məlumatına görə, bunu Milli Məclisin iclasında “Hərbi qulluqçuların statusu haqqında” qanun layihəsinin müzakirəsi zamanı deputat Aqil Abbas deyib.

O bildirib ki, qardaş Türkiyədə hərbçi pensiyaya çıxandan, yaxud işindən ayrılandan sonra xəstəxanadan pulsuz istifadə edir:

“Bizdə də belə olmalıdır. Hələ ki, bizdə icbari tibbi sığorta tətbiq edilmir. Daxili İşlər Nazirliyində bu məsələ öz həllini tapıb. İşindən ayrılan işçilər də Daxili İşlər Nazirliyinin hospitalından istifadə edə bilirlər. Hərbçilər üçün də belə olmalıdır”.