Ceyhun Bayramov: Azərbaycan Ukraynanın ərazi bütövlüyü və suverenliyini dəstəkləyir

Azərbaycan Ukraynanın ərazi bütövlüyü və suverenliyini tanıyır və dəstəkləyir.

BAKU.WS "Report"a istinadən xəbər verir ki, bunu Azərbaycan xarici işlər naziri Ceyhun Bayramov Ukraynanın xarici işlər naziri Andrey Sibiqa ilə birgə mətbuat konfransında deyib.

"Bu gün biz müxtəlif formatlarda görüş zamanı ikitərəfli münasibətləri, çoxtərəfli platformalarda əməkdaşlığı müzakirə etdik, həmçinin regional və qlobal məsələlər ətrafında fikir mübadiləsi apardıq. Azərbaycan-Ukrayna münasibətlərində həmişə beynəlxalq hüququn norma və prinsipləri əsas təşkil edir", - o qeyd edib.