Cənubi Qafqazda yeni dövr: Azərbaycan və ABŞ arasında strateji tərəfdaşlıq memorandumuna imza atıldı

Azərbaycan Prezidenti İlham Əliyevin avqustun 8-də Vaşinqtona etdiyi tarixi səfər zamanı iki ölkə arasında əhəmiyyətli Anlaşma Memorandumu imzalanıb.

BAKU.WS xəbər verir ki, bu məlumatı "Haber Global" telekanalı yayımladığı süjetdə təqdim edib.

Bildirilir ki, memorandum Azərbaycan və ABŞ arasında münasibətlərin əməkdaşlıq səviyyəsindən strateji tərəfdaşlıq səviyyəsinə yüksəldilməsini təmin edir. Sənəddə təhlükəsizlik sahəsində əməkdaşlıq, o cümlədən müdafiə məhsullarının satışı və terrorizmə qarşı birgə mübarizə bəndləri diqqətəlayiq məqam kimi yer alıb.

Vaşinqton səfərinin nəticəsi olaraq, iki ölkə arasında əlaqələrin yeni mərhələyə qədəm qoyduğu vurğulanır. Daha ətraflı məlumat süjetdə təqdim olunub.