Bələdiyyə seçkisinin yekunları 2025-ci il fevralın 26-dək elan ediləcək

Bələdiyyə seçkisinin yekunları 2025-ci il fevralın 26-dək elan ediləcək.

"Report" xəbər verir ki, bu, "Azərbaycan Respublikasında bələdiyyə seçkisinin hazırlanıb keçirilməsi üzrə əsas hərəkət və tədbirlərin Təqvim Planı"nında öz əksini tapıb.

Təqvim planına əsasən, dairə seçki komissiyaları tərəfindən səsvermənin yekunlarına dair protokolların MSK-ya təqdim edilməsi səsvermə günündən sonra ən geci 2 gün müddətində başa çatdırılmalıdır.

Seçkinin yekunlarının yoxlanılması və təsdiqi səsvermə günündən başlayaraq, ən geci 20 gün müddətində - fevralın 18-dək başa çatdırılacaq.

Plana görə, seçkinin yekunlarının elan edilməsi isə seçki günündən başlayaraq, ən geci 25 gün müddətində - yəni fevralın 26-dək başa çatdırılacaq.