Azərbaycanlı diplomat 5-ci Xəzər Biznes Forumunda iştirak edib
Azərbaycanın xarici işlər nazirinin müavini Elnur Məmmədov "Xəzər dənizində əlaqə və iqlim fəaliyyəti vasitəsilə davamlı gələcəyin qurulması" mövzusunda keçirilən 5-ci Xəzər Biznes Forumunda iştirak edib.
Bu barədə Azərbaycan Xarici İşlər Nazirliyinin "X" səhifəsində paylaşım edilib.
E. Məmmədov, Azərbaycanın Orta və Şimal-Cənub dəhlizlərinin inkişafı istiqamətində səyləri, o cümlədən Rəqəmsal İpək Yolu layihəsi haqqında ətraflı məlumat verib.
Nazir müavini Azərbaycanın "yaşıl enerji zonaları" elan etdiyi işğaldan azad edilmiş ərazilərdə həyata keçirdiyi yaşıllaşdırma təşəbbüslərindən də danışıb.
Azərbaycanın COP29 sədrliyi dövründə irəli sürdüyü təşəbbüslər, yaşıl enerjiyə keçid zamanı bütün beynəlxalq tərəfdaşlarla sıx əlaqəsi diqqətə çatdırılıb.
Qalereya
Oxşar xəbərlər
Prezident İlham Əliyevə çoxməqsədli JF-17C təyyarələri təqdim olunub
Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevə sentyabrın 25-də Pakistan Aviasiya Kompleksi və Chengdu Çin Aviasiya K...