Azərbaycanın "Laçın" adlı Su-25-i Türkiyənin SOM-B1 qanadlı raketi ilə sınaqdan keçirildi

Türkiyə Azərbaycan Hərbi Hava Qüvvələri üçün modernləşdirilmiş Rusiya istehsalı olan Su-25 döyüş təyyarəsindən ilk dəfə olaraq SOM-B1 qanadlı raketini uğurla vurub.

BAKU.WS xarici KİV-ə istinadən xəbər verir ki, TÜBİTAK-ın 2024-cü il fəaliyyət hesabatında əksini tapan bu sınaq Türkiyə ilə Azərbaycan arasında müdafiə sahəsində əməkdaşlıqda mühüm həddi təmsil edir.

Buraxılış Türkiyə müdafiə sənayesi tərəfindən hazırlanmış UBAS (Təyyarə Müstəqil Atış Sistemi) sayəsində həyata keçirilib.

Türkiyənin Elmi və Texnoloji Araşdırmalar Şurası bildirib ki, Rook UBAS avtonom atəş idarəetmə sistemindən istifadə etməklə SOM ŞAHİN raketini (SOM-B1-in Azərbaycan versiyası) uğurla atıb. Sursat uzaq məsafədən hədəfə dəyib.

"Bu, Azərbaycanın ilk dəfə 2018-ci ildə elan etdiyi SOM qanadlı raketlərinin alınmasının ən mühüm mərhələsinin başa çatması deməkdir", - nəşr yazır.

Qeyd olunub ki, UBAS dərin struktur və proqram müdaxiləsinə ehtiyac olmadan türk sursatlarının istənilən platformaya inteqrasiyasını təmin edir.

Normalda F-16 və ya Su-25 kimi xarici istehsal olan təyyarələrə sursat əlavə etmək üçün təyyarənin missiya kompüterinə daxil olmaq və lazımi icazələri almaq lazımdır. UBAS bu prosesi aradan qaldırır və platformadan müstəqil həll təklif edir. Bu, Türkiyənin silah-sursat satışında əlini gücləndirir. Bir sözlə, UBAS "tax və işlət" məntiqi ilə işləyir.