Anar Vəliyev: Mənzil hüququ insan hüququ kimi tanınmalı və prioritetləşdirilməlidir

Mənzil hüququ insan hüququ kimi tanınmalı və prioritetləşdirilməlidir.

BAKU.WS report-a istinadən xəbər verir ki, bu barədə ADA Universitetinin dosenti Anar Vəliyev Bakıda WUF13-ün bağlanış mərasimində bildirib.

Onun sözlərinə görə, qlobal mənzil böhranı kritik həddə çatır: "Bu böhran təsadüfi deyil, dərin struktur, sistem və idarəetmə problemlərinin nəticəsidir. Təhlükəsiz, əlçatan və münasib mənzil ümumi gələcəyin ayrılmaz hissəsidir və ictimai məkanlar, məktəblər, səhiyyə və digər xidmətlərlə birgə vahid sistem təşkil edir".

A.Vəliyev qeyd edib ki, növbəti onilliyi Yeni Şəhər Gündəliyinin icrasını sürətləndirmək və Dayanıqlı İnkişaf Məqsədləri üzrə irəliləyişi ölçmək üçün fəaliyyət onilliyi kimi formalaşdırmaq lazımdır: "Biz ölkələri açıq öhdəliklər götürməyə, uğurlu proqram və layihələri sənədləşdirməyə, icra təcrübələrini paylaşmağa çağırırıq".