Aİ səfiri Azərbaycan xalqını müqəddəs Ramazan ayının başlaması münasibətilə təbrik edib

Avropa İttifaqının Azərbaycandakı səfiri Mariyana Kuyundziç Azərbaycan xalqını müqəddəs Ramazan ayının başlaması münasibətilə təbrik edib.

BAKU.WS "Report"a istinadən xəbər verir ki, o, "X" hesabında müvafiq paylaşım edib.

"Avropa İttifaqının nümayəndəliyi Müqəddəs Ramazan ayı münasibətilə Azərbaycan və bütün dünyadakı müsəlmanları təbrik edir.

Arzu edirik ki, bu müqəddəs ay sizə özünüzü daha yaxşı tanımağınıza, mənəvi dirçəlişinizə kömək etsin, sizə və yaxınlarınıza sülh gətirsin. Ramazan ayınız mübarək!", - səfir yazıb.