Hakan Fidan: “TAP-ın genişlənlirilməsi Azərbaycan və Türkiyə üçün önəmlidir”

“Türkiyə və Azərbaycan imzalanmış Şuşa Bəyannaməsinin müddəalarını yerinə yetirməyə çalışırlar”.

BAKU.WS oxu.az-a istinadən xəbər verir ki, bunu Türkiyənin xarici işlər naziri Hakan Fidan dekabrın 14-də Bakıda azərbaycanlı həmkarı Ceyhun Bayramovla birgə mətbuat konfransında deyib.

Türkiyəli nazir qeyd edib ki, iki ölkə arasında kommunikasiya və enerji xətləri baxımından təhlükəsizliyin təmin olunması önəmli məqama çevrilib:
“Qars-Naxçıan dəmir yolu ilə bağlı niyyət protokolu Türkiyə prezidentinin Naxçıvana səfəri zamanı imzalanıb. TAP-ın genişlənlirilməsi də hər iki dövlət üçün önəmlidir. Həmçinin, artıq təməli atılan İğdır-Naxçıvan qaz kəməri ilə enerji sahəsində əməkdaşlığımızı yeni səviyyəyə çatdıra bilmişik”.