"Fransa mayın 22-də Azərbaycan Prezidenti İlham Əliyevlə Ermənistanın Baş naziri Nikol Paşinyan arasında Brüsseldə baş tutan görüşün nəticələrini alqışlayır".
BAKU.WS APA-ya istinadən xəbər verir ki, bu barədə Fransa Xarici İşlər Nazirliyinin yaydığı bəyanatda qeyd olunub.
Fransa XİN-in bəyanatında bildirilib ki, Avropa İttifaqı Şurasının Prezidenti Şarl Mişelin təşəbbüsü ilə keçirilən görüş Azərbaycan və Ermənistanın İkitərəfli Sərhəd Komissiyasının iclasının keçirilməsi barədə razılığa gəlməsi ilə nəticələndi.
"Fransa Aİ-nin himayəsi altında Ermənistan və Azərbaycan arasında dialoqu dəstəklədiyini bir daha bəyan edir və Avropa İttifaqı Şurasının sədri və ATƏT-in Minsk qrupunun həmsədri kimi bu dialoqa milli zəmində töhfə verəcək", bəyanatda qeyd olunub.