Səyavuş Aslan narkoman oğlunu xilas edə bilmədi - VİDEO

BAKU.TV-də yayımlanan “Retro Baku” verilişinin yeni buraxılışı efirə gedib.

Mərhum aktyor Səyavuş Aslana həsr olunan buraxılışda Xalq artistləri Ramiz Həsənoğlu, Mərahim Fərzəlibəyov, Əməkdar artist Suğra Bağırzadə və oğlu Eldar Aslan mərhum aktyorla bağlı xatirələrini bölüşüblər.

E.Aslan atasının ölümündən sonra yaşadığı təsirli hadisədən danışıb:

“Bulvardan gələndə atamdan soruşmuşdum ki, məni çox istəyirsən, yoxsa qardaşımı? Demişdi ki, qardaşını. Bunun təsiri altında qalmışdım. Vəfat etdikdən sonra bir nəfər zəng edib, mənimlə görüşmək istədi. Həmin adam yuxuda atamı gördüyünü və ona “Mənim sevdiyim bir övladım var, o da Eldardır” söylədiyini dedi”.Verilişdə “Bəyin oğurlanması” filminin çəkilişi zamanı Səyavuş Aslana vurulan xəbərsiz şillədən də bəhs olunub.

Qeyd olunub ki, rejissor Vaqif Mustafayev səhnənin təbii alınması üçün aktyor Muxtar Maniyevdən onu gözləmədiyi anda şillə ilə vurmasını tələb edib. Səyavuş Aslan isə buna görə bir müddət Vaqif Mustafayevlə küsülü qalıb.

Daha ətraflı süjetdə: