Azərbaycanda tanınmış Xalq rəssamı vəfat edib

Görkəmli kino və dekor rəssamı, Azərbaycanın Xalq rəssamı Rafiz İsmayılov vəfat edib.

Bu barədə Azərbaycan Kinematoqrafçılar İttifaqından məlumat verilib.

O uzun müddətdir, ağır xəstəlikdən əziyyət çəkirdi.

Mərhumla vida 01.04. 2025 tarixində Təzə pir məsçidində baştutacaq.

Qeyd edək ki, R.İsmayılov 30 mart 1939-cu ildə Bakıda anadan olub. 1962-ci ildə Azərbaycan Dövlət rəssamlıq məktəbini bitirib. 1966-1972-ci illərdə Moskvada Ümumittifaq Dövlət Kinematoqrafiya İnstitutunun rəssamlıq fakültəsində təhsil alıb.

1972-ci ildən "Azərbaycanfilm" kinostudiyasında çalışıb. Bir çox bədii filmlərin, teatr tamaşalarının quruluşçu rəssamı, bir neçə animasiya filminin rəssamı və rejissorudur.

R.İsmayılov həmçinin bir neçə kitabin da tərtibatçı rəssamı olub.

Allah rəhmət eləsin.