Aktyor Möylə Mirzəliyevin vəziyyəti açıqlanıb

Azərbaycan Dövlət Akademik Musiqili Teatrın aktyoru Möylə Mirzəliyev hələ də süni tənəffüs aparatına qoşuludur.

BAKU.WS xəbər verir ki, bunu APA-ya aktyorun qızı bildirib.

"Atamın ağ ciyərində infeksiya var. Həkimlər onu müalicə etməyə çalışırlar. Hələ də süni tənəffüs aparatına qoşuludur. Bir də böyrəklərində problem olur deyə bəzən dializ aparatına da qoşulur".

Qızı onu da qeyd edib ki, atasının səhhəti ilə yalnız Azərbaycan Dövlət Akademik Musiqili Teatrının rəhbərliyi və aktyor dostları maraqlanır.

Qeyd edək ki, bir neçə gün öncə aktyor əməliyyat olunduqdan sonra hərəkət qabiliyyətini itirib, səhhəti daha da ağırlaşıb.