055 213 76 73
"Mənim haqqımda məlumatlar gəzir ki, guya Nazim xəstədir. Deyirlər ki, hələ də bərpa olunmayıb və ona görə də oxumağında problem var. Səhhətində problem olduğu üçün toylara da gedə bilmir. "M Group Production"a təşəkkür edirəm ki, məni bu layihəyə dəvət ediblər".
Bu sözləri BAKU.WS-in əməkdaşı ilə söhbətində müğənni Nazim Pişyari deyib. "Nissan Altima" maşınının ətrafında mübarizə aparan Nazim realiti-şouda cəmiyyətə qayıtdığını sübut edəcəyinə əmindir.
"Tam sağlam insanam və maşının ətrafında dayanmağa gücüm də var, səhhətim də buna imkan verir. Hər şey qaydasındadır və mən də sizlərdən biriyəm. Burada gündə bir nəfər çıxacaq. Ola bilər ki, bir gün mən də gedə bilərəm. Hamı ilə münasibətim yaxşıdır. Həm xanımlarla, həm də bəylərlə yaxşı münasibət var. İnanmıram ki, hələki məni "Maşın"dan çıxarmaq istəyən olsun".
Tuncay
BAKU.WS