Qazimizin bacısı: “Qardaşım əsir düşməmək üçün özünü dağdan atıb” - VİDEO

“Qardaşım döyüşlər başlayanda könüllü olaraq ön cəbhəyə yollandı. Laçında ağır döyüşlərdə ayaq və qol nahiyəsindən yaralanıb”.

Bu sözləri BAKU.WS-ə açıqlamasında İkinci Qarabağ döyüşlərində iştirak edən əsgər Rufullayev Əsgərin bacısı bildirib. O qeyd edib ki, qardaşı möcüzə nəticəsində sağ qalıb:

“Ermənilər qardaşımı snayperlə vurublar. Günlərlə ac-susuz qalıb. Əsir düşməmək üçün özünü dağdan aşağı atıb. Allaha şükr olsun ki, həyatdadır, sağ qalıb.

Hazırda Horadizdə hospitalda müalicə alır. Bütün tibb işçilərinə təşəkkür edirik, qardaşıma gözləri kimi baxırlar”.