Zərdabda Birinci Qarabağ müharibəsinin şəhidi Zakir İsaqov dəfn edilib - FOTO

Birinci Qarabağ müharibəsində itkin düşmüş hesab olunan, Tərtər şəhərindəki Şəhidlər xiyabanında naməlum şəhid kimi dəfn edilmiş Zakir Nüsrət oğlu İsaqovla Zərdab rayonunun Təzəkənd kəndində vida mərasimi keçirilib.

BAKU.WS-in Report-a istinadən məlumatına görə, şəhidin nəşi Zərdab rayonunun Təzəkənd kənd qəbiristanlığında dəfn olunub.

Dəfn mərasimində şəhidin doğmaları, Zərdab Rayon İcra Hakimiyyətinin vəzifəli şəxsləri, rayon hüquq-mühafizə orqanlarının əməkdaşları, hərbçilər və ictimaiyyət nümayəndələri iştirak ediblər.

Qeyd edək ki, Zakir Nüsrət oğlu İsaqov 1958-ci il noyabrın 19-da Zərdab rayonunun Təzəkənd kəndində anadan olub. O, 1992-ci il sentyabrın 24-də Ağdərə rayonunun Çıldıran kəndi istiqamətində gedən döyüşlərdə itkin düşüb.

Qalereya