Türkiyədə "Jeep" ilə qızını imtahana aparan ata avtomobil qəzasında öldü - VİDEO

Türkiyənin Sakarya vilayətində dəhşətli avtomobil qəzası baş verib.

BAKU.WS Türkiyə KİV-ə istinadən xəbər verir ki, avtomobili ilə qızı E.N.K.-nı (şərti ad) qəbul imtahanına çatdırmağa çalışan ata Z.K. (şərti ad) "Jeep" markalı maşınını yol kənarındakı divara çırpıb.

Qəza nəticəsində o, həyatını itirib. Qızı isə ağır yaralanıb. Qəzaya səbəb güclü yağış səbəbindən yolda avtomobilin sürüşməsi olub.

E.N.K. xəstəxanaya yerləşdirilsə də, onun həyati təhlükəsi davam edir.

Hadisə ilə bağlı araşdırmalara başlanılıb.