Sürücü magistral yolda ayağını pəncərədən çıxarıb avtomobil idarə etdi - VİDEO

Ötən gün Ələt-Astara magistral yolunda təhlükəli anlar qeydə alınıb.

Bu barədə məlumat BAKU.WS-in “qaynar xətti”nə daxil olub.

Görüntülərdən aydın olur ki, “99-CE-853” nömrə nişanlı “Ford Tranzit” markalı avtomobilin sürücüsü ayağını pəncərədən çıxararaq və təhlükəsizlik kəmərindən istifadə etməyərək maşını idarə edib.

Hadisə ilə əlaqədar Baş Dövlət Yol Polisi İdarəsi (BDYPİ) ilə əlaqə saxladıq.

İdarənin ictimai qurumlarla əlaqə şöbəsinin inspektoru, polis kapitanı Toğrul Nəsirli BAKU.WS-in sorğusuna cavab olaraq bildirib ki, görüntülər aiddiyyatı üzrə yönləndirilib. Araşdırmanın nəticələri barədə məlumat veriləcək.

Sözügedən görüntüləri təqdim edirik: