Sumqayıtda iş zamanı yanıq xəsarətləri alan fəhlənin son durumu açıqlandı - YENİLƏNİB

"İyulun 14-də 1988-ci il təvəllüdlü (kişi cinsli) şəxs yanıq xəsarəti ilə Nərimanov Tibb Mərkəzinin nəzdində fəaliyyət göstərən Yanıq Mərkəzinə hospitalizasiya olunub".

BAKU.WS xəbər verir ki, bunu APA-nın sorğusuna cavab olaraq Yanıq Mərkəzindən bildiriblər.

Qeyd olunub ki, ona bədən səthinin 60-65%-nin yanığı, III dərəcəli termiki alov yanığı diaqnozu təyin edilib.

Hazırda vəziyyəti ağır qiymətləndirilir.

*** 09:32

Sumqayıtda fəhlə iş zamanı yanıq xəsarətləri alıb.

BAKU.WS report-a istinadən xəbər verir ki, hadisə "Tuq zavod" adlanan ərazidə yerləşən istehsal müəssisələrinin birində qeydə alınıb.

Belə ki, Sumqayıt şəhər sakini, 1988-ci il təvəllüdlü Hamlet Elxan oğlu Şiriyev müəssisədə iş görən zaman termiki yanıq xəsarətləri alıb.

Faktla bağlı araşdırma aparılır.