Şirvanda avtomobillər toqquşub, xəsarət alanlar var

Şirvan şəhəri ilə Sabirabad rayonunu birləşdirən Kür çayı üzərindəki körpünün yaxınlığında iki nəfərin xəsarət alması ilə nəticələnən yol qəzası baş verib.

BAKU.WS “report”a istinadən xəbər verir ki, bu gün axşam saatlarında “Mercedes” markalı avtomobillə digər avtomobil toqquşub.

Qəza nəticəsində Saatlı rayonunun Azadkənd kənd sakini, 1955-ci il təvəllüdlü Süleymanov Vaqif İsa oğlu və daha bir nəfər xəsarət alıb.

Şəxsiyyəti məlum olmayan bir nəfər xəsarəti yüngül olduğundan, ilk tibbi yardımdan sonra ambulator müalicəyə buraxılıb. V.Süleymanov isə Şirvan Şəhər Mərkəzi Xəstəxanasına yerləşdirilib.

Faktla bağlı araşdırma aparılır.