Şəxsi münasibətlər zəminində tanışını öldürdü

Bakıda 40 yaşlı kişi qətlə yetirilib.

Bu barədə BAKU.WS-ə Nəsimi Rayon Prokurorluğundan məlumat verilib.

Bildirilib ki, aprelin 4-ü saat 23 radələrində Bakı şəhəri, Nəsimi rayonu, Alı Mustafayev küçəsi 29 ünvanında 1982-ci il təvəllüdlü Bəhruz Quliyevin öldürülməsi barədə rayon prokurorluğuna məlumat daxil olmuşdur.

Aparılmış araşdırmalarla zərərçəkmişin tanışı, 1984-cü il təvəllüdlü Rabil Qasımovun şəxsi münasibətlər zəminində aralarında yaranmış mübahisə zamanı Bəhruz Quliyevə bıçaqla xəsarətlər yetirərək onu qəsdən öldürməsinə əsaslı şübhələr müəyyən edilmişdir.Faktla bağlı Nəsimi rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanmışdır.Rabil Qasımov şübhəli şəxs qismində tutularaq istintaqa cəlb edilmişdir.Hazırda cinayət işi üzrə istintaq davam edir.