Şəmkirdə evlərə xüsusi işarələr qoyulub yandırılır -VİDEO/FOTO

Şəmkir rayonunun Zəyəm-Cırdxan kəndində ağlasığmaz hadisələr yaşanır.

BAKU.WS-in bölgə müxbirinin verdiyi məlumata əsasən, təxminən 15 günə yaxındır ki, naməlum şəxslər tərəfindən kənd sakinlərinin evlərinin yandırılmasına cəhd olunub, ot tayalarına od vurulub. Artıq 10-a yaxın evdə bənzər hadisələr yaşanıb.

Əhalinin sözlərinə görə, əsasən hadisələr gecə saat 2-3-dən sonra başlayır. Artıq kənd sakinləri gecələr növbə çəkməyə başlayıb. Gecələri oyaq qalan insanlar yaşanan vəziyyətdən qorxuya düşüb.

Vəziyyətlə bağlı polis də hərəkətə keçib.

Belə ki, hüquq mühafizə orqanı əməkdaşları kənd yolları, eləcədə kənd ətrafı ərazilərdə nəzarət gücləndirib. Hələlik hadisənin kim tərəfindən törədildiyi məlum deyil. Maraqlı fakt ondan ibarətdir ki, hər yandırılmağa cəhd edilən evlərin hasarlarına "X" işarəsi yazılıb.

Qalereya