Saxlanılan azərbaycanlı icra başçısının İnstagram görüntüləri (VİDEO)

Xəbər verdiyimiz kimi, Gürcüstanın Marneuli şəhərinin azərbaycanlı icra başçısı Temur Abazov saxlanılıb.

BAKU.WS-in məlumatına görə, azərbaycanlı icra başçısının saxlanılmasının ilkin səbəbi olaraq sakinlərlə pis rəftar etməsi göstərilir. Qeyd edək ki, Gürcüstanda azərbaycanlıların sıx yaşadığı Marneuli rayonunun icra başçısı Temur Abazov gürcü mətbuatının tez-tez gündəmindədir. Gürcüstan KİV-I azərbaycanlı icra başçısını fərqli həyat tərzi sürən məmur kimi dəyərləndirib. 2017-ci ildə böyük səs faizi ilə icra başçısı seçilən Temur Abazov icra başçısı idmançı olması ilə də diqqət çəkir. O sosial şəbəkələrdə idman zalından fotolarını paylaşır. Teymur Abbasov 1981-ci il dekabrın 2-də anadan olub. 2003-cü ildə Gürcüstan Daxili İşlər Nazirliyinin Polis Akademiyasını bitirib; 2003-cü ildə Türkiyənin Ankara şəhərində, Türkiyə Cümhuriyyətinin Elmi Təhlükəsizlik Akademiyasını bitirib; 2004-cü ildə Gürcüstan Daxili İşlər Nazirliyində Xüsusi Tapşırıqlar İdarəsinin, Xüsusi Tapşırıqlar Müfəttişi vəzifəsində çalışıb; 2005-ci ildə Cəza İstintaq İşləri Baş İdarəsinin, Təşkilatlı Cinayət ilə Mübarizə Xidmətinin Üçüncü Şöbəsinin Müfəttişi vəzifəsində çalışıb; 2005-ci ildə MMC “JTI”-nin, Azərbaycan Respublikasında Gürcüstan nümayəndəsi olub; 2006-cı ildə Gürcüstan Parlamentinin kadr məsələləri departamentinin əməkdaşı olub; 2006–2007 ci illərdə „ANADOLU” Türkiyə Dövlət İnformasiya Agentliyinin Gürcüstandakı nümayəndəsi olub; 2007–2011 ci illərdə MMC “Elita Bürc”də Marketinq Xidmətinin Meneceri kimi çalışıb; 2011–2015 ci illərdə MMC “Elita Bürc”də Marketinq Xidmətinin Rəhbəri kimi çalışıb; 2012-ci ildə MMC”Qlobal Kontrakt Konsaltinq”-in Layihə Rəhbərinin Müşaviri və Xüsusi Qərargahın Rəhbəri olub; 2013-cü ildə “Gürcü Arzusu” koalisiyasının Marneuli Seçki Qərargahının sədri olub; 2015-ci ildə Daxili İşlər Nazirliyinin Mərkəzi Kriminal Polisi Departamentində Xüsusi Tədbirlərin Təmini İdarəsi Şöbəsinin Baş Mütəxəssisi olub; 2015–2017 ci illərdə Mərkəzi Kriminal Polisi Departamentinin Beynəlxalq Cinayyətlərə Qarşı Mübarizə Əməkdaşlıq Mərkəzi İdarəsinin Rəhbəri/Azərbaycan Respublikasında Polis Attaşesi; Azərbaycan, gürcü, türk, rus və ingilis dillərini bilir; Ailəlidir, üç övladı var BAKU.WS