İlkinin atası: “Polis dedi Nərminə təcavüz edilib” - VİDEO

“Polis dedi Nərminə təcavüz edilib, mənim oğlumun isə elə qabiliyyəti yox idi”.

BAKU.WS xəbər verir ki, bunu nərmin Quliyevanın qətlində şübhəli bilinən İlkin Süleymanovun atası İbrahim Süleymanov deyib.

10 yaşlı Nərminin qətlində təqsirləndirilən İlkin Süleymanovun atası oğlu haqqında səsləndirilən ittihamları qəbul etmir.

Xatırladaq ki, Tovuz rayonunun Dondar Quşçu kənd sakini N.Quliyeva ötən il noyabrın 21-də itkin düşüb, onun meyiti yanvarın 6-da yandırılmış halda tapılıb.

Faktla bağlı Cinayət Məcəlləsinin 120.2.9-cu (təqsirkar şəxs üçün aşkar surətdə köməksiz vəziyyətdə olan adamı qəsdən öldürmə) maddəsi ilə cinayət işi başlanılıb.

Yanvarın 10-da isə hadisəni törətməkdə şübhəli bilinən Dondar Quşçu kənd sakini, işləməyən, 1973-cü il təvəllüdlü İ.Süleymanov saxlanılaraq istintaqa cəlb edilib.

O, müdafiəçinin iştirakı ilə dindirilərkən törətdiyi əməli tam etiraf edib.