Kürdəmirdə qatar yoluna çıxan kişi öldü - ADY-dən açıqlama

Bu gün səhər saatlarında Kürdəmir sahəsində hərəkətdə olan yük qatarının maşinisti yolun kənarında bir nəfər kişi meyiti aşkarlayıb.

BAKU.WS xəbər verir ki, bu barədə "Azərbaycan Dəmir Yolları" QSC-nin mətbuat xidməti məlumat yayıb.

Qeyd olunub ki, dərhal aidiyyəti üzrə məlumat verilib.

Hadisənin hansı şəraitdə baş verməsi araşdırılır.

***09:50

Kürdəmirdə ölümlə nəticələnən bədbəxt hadisə baş verib.

BAKU.WS qafqazinfo-ya istinadən xəbər verir ki, hadisə dəmir yolu xəttinin rayon ərazisindən keçən hissəsində qeydə alınıb.

Belə ki, rayonun Təklə kənd sakini 1976-cı il təvəllüdlü Şahverdiyev Vüqar Ağadadaş oğlu səhər saatlarında dəmir yolu xətti üzərindən keçərkən onu qatar vuraraq öldürüb.

Hadisə yerinə rayonun hüquq mühafizə orqanları əməkdaşları cəlb olunub.

Faktla bağlı araşdırma aparılır.