Bərdədə avtomobil qaz borusuna çırpılıb, 3 nəfər yanıq xəsarəti alıb

Bərdədə yol qəzası baş verib.

BAKU.WS apa-ya istinadən xəbər verir ki, rayonun Mollaisalar kəndində "Hyundai" markalı minik avtomobilinin yol kənarındakı qaz borusuna çırpılması nəticəsində yanğınla nəticələnən yol-nəqliyyat qəzası baş verib.

Yanğın nəticəsində avtomobilin yanar hissələri və qaz borusundan sızan qaz yanıb. Yanğın zamanı 3 nəfər yanıq xəsarəti alıb. Yol kənarındakı kommunikasiya xətləri yanğından mühafizə olunub. Yanğın yanğından mühafizə bölmələri tərəfindən söndürülüb.

TƏBİB-in məlumatına görə, bu gün 01:20 radələrində Bərdə Rayon Mərkəzi Xəstəxanasının Təcili və təxirəsalınmaz tibbi yardım şöbəsinə 3 nəfər (kişi cinsli) hospitalizasiya olunub.

Müxtəlif dərəcəli yanıq xəsarətləri ilə tibb müəssisəsinə yerləşdirilən şəxslərə zəruri tibbi xidmətlər göstərilib və ambulator müalicə üçün evə buraxılıblar.

Qalereya