Bakı Sumqayıt yolunda ağır qəza - xəsarət alanlar var - FOTO

Abşeron rayonunda yol-nəqliyyat hadisəsi baş verib, iki nəfər xəsarət alıb.

BAKU.WS APA-ya istinadla xəbər verir ki, hadisə Bakı-Sumqayıt şossesinin Xırdalan şəhərinə düşən hissəsində qeydə alınıb.

Həsənəli Şamxal Həsən oğlu idarə etdiyi “Geely” markalı nəqliyyat vasitəsilə Xırdalan qəbiristanlığının beton plitəsinə çırpılıb. Nəticədə sürücü Ş.Həsənəli və sərnişin xəsarət alıb.

Sürücünün APA-ya verdiyi məlumata görə, hərəkətdə olan zaman naməlum markalı avtomobil onun nəqliyyat vasitəsini vuraraq ərazidən uzaqlaşıb.

Baş dövlət Yol Polis İdarəsinin əməkdaşları hadisə yerinə cəlb ediliblər. Araşdırma aparılır.

Qalereya