Azərbaycanda komitə sədrinin oğlunun avtomobilini qaçıranlar qəzaya düşüb öldü - FOTO

Bərdə rayonunda iki nəfərin ölümü ilə nəticələnən ağır yol qəzası baş verib.BAKU.WS-in "Report"a istinadla verdiyi məlumata görə, hadisə rayonun Heydər Əliyev prospektində qeydə alınıb.İrigövdəli ağaca çırpılan "90-HS-317" dövlət qeydiyyat nişanlı "VAZ-2107" markalı avtomobildə sürücü və sərnişin ölüb. Onların şəxsiyyəti hələlik məlum deyil.Qəzada ölən şəxslər avtomobili Bakı küçəsində yerləşən çay evlərindən birinin qarşısından qaçırıblar. Nəqliyyat vasitəsi rayon sakini İlham Zeynalova məxsusdur. İ. Zeynalov isə Qaçqınların və Məcburi Köçkünlərin İşləri üzrə Dövlət Komitəsinin Bərdə rayon şöbəsi sədrinin oğludur.Faktla bağlı rayon polisində araşdırma aparılır.BAKU.WS