"Azərsu" partlayan boruya çüy taxıb? - ŞİKAYƏT - VİDEO

Paytaxtın Binəqədi rayonu, 9-cu mikrorayon Həmzə Babaşov 11 ünvanının sakinləri tez-tez partlayan su borularından narazıdırlar.

Bu barədə şikayət BAKU.WS-in "qaynar xətt"inə daxil olub.

Sakinlər iddia edirlər ki, problem 10 ilə yaxındır, var. Səbəb isə partlayan su boruları və onların köhnə üsullarla təmir edilməsidir:

"Hər dəfə borularda qəza baş verəndə bu barədə "Azərsu"ya məlumat veririk. Onlar da gəlib partlayan boruya taxta çüy taxıb, üstünü torpaqlayıb çıxıb gedirlər. 21-ci əsrdə harada görünüb ki, su borusunu taxta tıxacla təmir etsinlər? Məgər bunun müasir və davamlı metodu yoxdur?"

Məsələ ilə bağlı "Azərsu" ASC-nin Mətbuat xidməti və ictimaiyyətlə əlaqələr şöbəsinin rəhbəri Anar Cəbrayıllıya sorğu ünvanladıq.

Qurumun sözçüsü BAKU.WS-ə açıqlamasında bildirdi ki, suyun dayandırılması üçün həm bizdə, həm də digər ölkələrdə taxta yonqarından, ardınca da xamutdan da istifadə olunur.

Həmin görüntüləri təqdim edirik: