Azərbaycan Ordusunun ehtiyatda olan polkovniki vəfat edib

Azərbaycan Ordusunun ehtiyatda olan polkovniki Elşən Kərimov vəfat edib.

BAKU.WS Report-a istinadla xəbər verir ki, o bu gün səhər saatlarında 49 yaşında ürəktutmasından dünyasını dəyişib.

E.Kərimov Şamaxı rayonunun Bəklə kəndində torpağa tapşırılıb.

Qeyd edək ki, Azərbaycan Ordusunun ehtiyatda olan polkovniki E.Kərimov Birinci Qarabağ müharibəsinin iştirakçısı olub. O, uzun müddət Azərbaycan Ordusunda xidmət edib. Bir neçə il əvvəl ehtiyata buraxılıb.