28 yaşını qeyd etdikdən üç gün sonra qardaşı tərəfindən vəhşicəsinə öldürülən Şəbnəmin GÖRÜNTÜLƏRİ

Siyəzəndə qısqanclıq zəminində qardaşı tərəfindən ürəyindən bıçaqlanaraq öldürülən 28 yaşlı Şəbnəm Mustafazadənin görüntüləri yayılıb.

Oxu.Az həmin fotoları təqdim edir:

Qeyd edək ki, mərhum üç gün öncə doğum gününü qeyd edibmiş. Onun ailəsi ilə problemlərinin olduğu bildirilir.

25 avqust, 14:00

Siyəzəndə baş verən qətl hadisəsinin bəzi təfərrüatı məlum olub.

Bizim.Media xəbər verir ki, Siyəzən şəhər sakini, 21 yaşlı Səfər Mustafazadə 28 yaşlı bacısı Şəbnəm Mustafazadəni qısqanclıq zəminində öldürüb.

O, yaşadığı evdə bacısına cib bıçağı ilə ürək nahiyəsindən bir zərbə endirib və Şəbnəm yerindəcə keçinib.

Səfər Mustafazadə bu ağır hadisəni törətdikdən sonra Daxili İşlər Nazirliyinin "102" çağrı xidmətinə məlumat verərək bacısını öldürdüyünü bildirib.

Hadisə Mustafazadələr ailəsinin yaşadığı Siyəzən şəhərində, Həzi Aslanov küçəsi, 2 ünvanında qeydə alınıb.

Qardaşı tərəfindən həyatdan məhrum edilən Şəbnəm "Siyəzən broyler" ASC-də mühasib köməkçisi işləyirdi.

Qətlin tam təfərrüatı Siyəzən Rayon Prokurorluğu tərəfindən araşdırılır.