Azərbaycanda bir gündə iki maşın yandı

Azərbaycanda bir gündə iki avtomobil yanıb.

BAKU.WS-in Fövqəladə Hallar Nazirliyinə istinadla verdiyi məlumata görə, Bakı şəhəri, Nərimanov rayonunda vətəndaşa məxsus "Hyundai" markalı minik avtomobilinin mühərrik hissəsi yanıb.

Avtomobilin qalan hissəsi yanğından mühafizə olunub. Yanğın saat 02:34-də yanğınsöndürənlər tərəfindən söndürülüb.

Analoji hadisə Gəncə şəhərində də qeydə alınıb. Kəpəz rayonunda vətəndaşa məxsus həyətyanı sahədə dayanmış "Mercedes” markalı mınık avtomobilinin mühərrik hissəsi, salonu və 2 ədəd qabaq təkərləri yanıb. Avtomobilin qalan hissəsi və yaxınlıqdakı tikililər yanğından mühafizə olunub.

Yanğın saat 06:43-də yanğınsöndürənlər tərəfindən söndürülüb.

BAKU.WS