Gürcüstanda saxlanılıb Azərbaycana gətirildi
![Gürcüstanda saxlanılıb Azərbaycana gətirildi](https://baku.ws/storage/photos/thumbs/large/1701439952_photo_223918.webp)
Beynəlxalq axtarışda olan daha bir şəxs ölkəmizə ekstradisiya olunub.
Baş Prokurorluğun Mətbuat xidmətindən verilən məlumata görə, qurumun vəsatəti əsasında Gürcüstanın Baş Prokurorluğu tərəfindən “Mülki, ailə və cinayət işləri üzrə hüquqi yardım və hüquqi münasibətlər haqqında” 22.01.1993-cü il tarixli Konvensiyanın tələblərinə uyğun olaraq Azərbaycan vətəndaşı İbadov Elxan Əhliyyət oğlunun ekstradisiyası haqqında qərar qəbul olunub.
Belə ki, Bakı şəhəri Nizami RPİ-də ibtidai istintaq edilən cinayət işi üzrə Elxan İbadovun xeyli ziyan vurmaqla dələduzluq cinayətini törətməsinə əsaslı şübhələr müəyyən edildiyindən, barəsində təqsirləndirilən şəxs qismində cəlb etmə haqqında qərar qəbul edilməklə beynəlxalq axtarışa verilib.
E.İbadov Gürcüstanın ərazisində saxlanılaraq dekabr ayının 1-də Ədliyyə Nazirliyi Penitensiar Xidmətin xüsusi konvoyunun müşayiəti ilə Azərbaycana gətirilib.
Oxşar xəbərlər
Beynəlxalq axtarışda olan şəxs Azərbaycana ekstradisiya olunub
Baş prokurorluğun vəsatəti əsasında Belarus Respublikası Baş Prokurorluğu tərəfindən «Mülki, ailə və cinayət işləri üzrə hüquqi yardım və hüquqi münasibətlər ha...