Şabranda hotel əməkdaşları da yanğını söndürməyə çalışır - VİDEO

Şabranda dünəndən etibarən dağlıq ərazidəki meşə sahəsində başlayan yanğın hotelə doğru istiqamət alıb.

BAKU.WS xəbər verir ki, bu barədə AZTV-nin hadisə yerində olan müxbiri bildirib.

O canlı yayım zamanı deyib ki, yanğının “Qalaaltı” hoteli üçün heç bir təhlükəsi yoxdur: "Çünki hotel ilə yanğın arasında kifayət qədər məsafə var. Hotelin qonaqları, eləcə də sakinlər təşvişə düşməsin. Hazırda Fövqəladə Hallar Nazirliyinin (FHN) əməkdaşları yanğına müdaxilə edir. Hotel əməkdaşları da yanğının söndürülməsində FHN-nin şəxsi heyəti ilə birlikdədir".