Təhsil Nazirliyindən qovulan tələbə ilə bağlı RƏSMİ AÇIQLAMA

"Bu xəbəri biz də mətbuatdan oxuduq. Tələbənin universitetdən qovulması və bərpası təhsil müəssisəsinin tam ixtiyarındadır".

Bu sözləri BAKU.WS-ə Təhsil Nazirliyinin İctimaiyyətlə əlaqələr sektorunun müdiri Cəsarət Valehov bildirib.

Qeyd edək ki, Pərviz Məhəmmədov BDU-nun Mexanika-riyaziyyat fakültəsinin Mexanika ixtisası üzrə I kurs tələbəsi olub.

Onun universitetdən qovulmasına səbəb Azərbaycan bayrağına hörmətsizlik etməsi ilə bağlı yayılan görüntüsü olub.