Yüksəldikcə yüksəlir - Yaxın Şərqdə "neft fırtınası"

İsrail-HƏMAS qarşıdurmasının ardından dünya bazarında neft qiymətləri yüksəlib.

BAKU.WS xarici mətbuata istinadən xəbər verir ki, Səudiyyə Ərəbistanı və Rusiya tərəfindən hasilatın azaldılması qlobal tədarükün azaldılması ilə bağlı narahatlıqları artırdııb və beləliklə qlobal neft qiymətləri son aylarda olduqca yüksəlib.

Qlobal neft benchmarkı olan Brent markalı neftin fyuçersləri Asiya saatlarında bir barel üçün 91,2 dollara qədər yüksəlib. Bu, cümə günü 90,89 dollardan bir qədər yüksəkdir.

ABŞ standartı "West Texas Intermediate" (WTI) qısa müddət ərzində 87,98 dollara yüksəlib, cümə günü bağlanış qiyməti 87,68 dollar olub.

Bazar günü CBS telekanalına danışan ABŞ-ın milli təhlükəsizlik üzrə müşaviri Jake Sullivan deyib ki, İrandan gələn təhlükə səviyyəsinin dəyişdiyini göstərən yeni kəşfiyyat məlumatı olmasa da, “bu münaqişənin gərginləşməsi riski var”.

Analitiklər regional gərginliyin artması riski səbəbindən neft qiymətlərinin qısa müddətdə 100 dollar/barel səviyyəsinə çatacağını gözləyirlər.

"Nə İsrail, nə də HƏMAS əsas neft tədarükçüsü deyil, lakin "münaqişə genişlənərsə" neft bazarları üçün risk artacaq", - deyə cümə günü araşdırma qeydində deyilir.

“İran işə qarışarsa, gündəlik 20 milyon barelə qədər neft birbaşa və logistik maneələr səbəbindən pozulma riski ilə üzləşə bilər”, - deyə analitiklər əlavə ediblər.