Nazir vətəndaşlara xəstə heyvanların verilməsini təsdiqlədi - VİDEO

“Ötən il noyabr, dekabr ayları ərzində 29 min baş heyvan vətəndaşlara paylandı. Bu böyük rəqəmdir”. BAKU.WS xəbər verir ki, bu barədə REAL-a Əmək və əhalinin sosial müdafiəsi naziri Sahil Babayev bildirib. Onun sözlərinə görə, şikayət əsasında 119 heyvan yenisi ilə dəyişdirilib.Xatırladaq ki, Əmək və Əhalinin Sosial Müdafiəsi Nazirliyi özünüməşğulluq proqramının icrası çərçivəsində layihə qalibi olan və təsərrüfata sahib işsiz vətəndaşlara ailəsini maddi baxımdan təmin etmək üçün heyvanlar verilib. Layihə iştirak edən Yevlax rayonunun Malbəyi kənd sakinləri onlara xəstə heyvan verildiyindən şikayətçi idilər. BAKU.WS