Mikayıl Cabbarov: "Hədəfimiz Naxçıvanda reallaşdıra bilmədiyimiz iqtisadi potensialı istifadə etməkdir"

İqtisadiyyat Nazirliyi 2023-cü ildə Naxçıvan Muxtar Respublikasındakı Prezidentin səlahiyyətli nümayəndəliyi ilə birgə digər dövlət qurumlarının və sahibkarların iştirakı ilə Naxçıvanda böyük tədbir keçirməyi planlaşdırır.

BAKU.WS Report-a istinadla xəbər verir ki, bunu Azərbaycan iqtisadiyyat naziri Mikayıl Cabbarov "Dayaq" mükafatının təqdimat mərasimində deyib.

"Hədəfimiz Naxçıvanda reallaşdıra bilmədiyimiz iqtisadi potensialı, insan potensialını istifadə etməkdir", - nazir qeyd edib.

M. Cabbarov Naxçıvanda iqtisadi fəaliyyətlə məşğul olan və biznes qurmaq istəyən bütün sahibkarları görüşə dəvət edib.

Həmçinin nazir qeyd edib ki, qardaş Türkiyə ilə olan iqtisadi münasibətlərin inkişafı üçün Azərbaycanın aidiyyətı dövlət orqanları ilə sahibkarlar arasında səmərəli diskussiya aparılmalıdır.