Korrupsiyanın ən yüksək səviyyədə olduğu ölkələr – SİYAHI

"Ernst & Young” (EY) şirkəti dünyanın müxtəlif ölkələrində korrupsiya səviyyəsini qiymətləndirən araşdırmasını dərc edib.

BAKU.WS Oxu.Az-a istinadən xəbər verir ki, araşdırmanın nəticələrinə görə, siyahıya Ukrayna başçılıq edir. Təşkilatın nümayəndələrinin apardığı sorğuya əsasən, ukraynalı biznesmenlərin 88 faizi hesab edirlər ki, ölkədə korrupsiya və rüşvətxorluq problemi çox geniş yayılıb.

İkinci yerdə Kipr (82 faiz), üçdə isə Yunanıstan qərarlaşıb (81 faiz). Türkiyə 65 faizlə siyahıda 15-ci, Rusiya isə 66 faizlə 16-cı olub.

41 ölkədən ibarət reytinqin son yerlərində Finlandiya, Norveç və Danimarka kimi ölkələrin adları daxil edilib. Danimarkada respondentlərin cəmi altı faizi korrupsiyanı əhəmiyyətli problem hesab ediblər.

Tədqiqatın nəticələrinə əsasən, əksər ölkələrdə gənc nəsil korrupsiya məsələsinə daha mülayim münasibət göstərir. Y nəslinin (1981-ci ildən sonra dünyaya gələnlər) nümayəndələrinin 73 faizi hesab edir ki, bisnesin davamlılığı üçün korrupsiyaya "göz yummaq” olar. X nəslinin (45-54 yaş) nümayəndələri üçün isə bu göstərici 49 faizə bərabərdir.

BAKU.WS