Türkiyədə 300-dən çox adam dönərdən zəhərləndi

Türkiyənin Kocaeli şəhərində dönərdən kütləvi zəhərlənmə olub.

BAKU.WS Türkiyə KİV-ə istinadən xəbər verir ki, Körfez məhəlləsi Atatürk küçəsində yerləşən restoranda toyuq dönəri yeyən vətəndaşlar qısa müddətdə xəstələnib.

Eyni müəssisədə yemək yediyi aşkarlanan vətəndaşlar ürəkbulanma və qusma şikayəti ilə həkimə müraciət ediblər.

Zəhərlənmə əlamətləri olan 300-dən çox insan Körfez Dövlət Xəstəxanası, Derince Təhsil və Araşdırma Xəstəxanası və Dilovası Dövlət Xəstəxanasında müalicə alıb. Müdaxilələrin ardından bəzi xəstələr evə buraxılıb, Derincədə müalicə görən 2 nəfərin vəziyyəti isə kritik olaraq qalır.

Hadisədən dərhal sonra şikayətlərin mənbəyi sayılan dönərxana polislər tərəfindən möhürlənərək müvəqqəti olaraq bağlanıb.

Rayon Kənd Təsərrüfatı və Meşə Təsərrüfatı Müdirliyinin əməkdaşları müəssisəyə baxış keçirib və məhsullardan nümunələr götürüblər.

Hadisə ilə bağlı araşdırma başladılıb.

Qalereya