Çin NATO-ya xəbərdarlıq edib

Çinin Avropa İttifaqındakı diplomatik missiyası NATO-nu Asiya qitəsinin işlərinə qarışmağı dayandırmağa çağırıb.

BAKU.WS xarici mediaya istinadən xəbər verir ki, Şimali Atlantika Müqaviləsi Təşkilatı (NATO) Çin haqqında yanlış təsəvvürünü düzəltməli və Asiya-Sakit Okean regionunun işlərinə qarışmamalıdır. Bunu Çinin Aİ- dəki diplomatik missiyası NATO-nun baş katibi Mark Ruttenin alyansın Hind-Sakit okean regionunda tərəfdaşları ilə əlaqələrin gücləndirilməsi zərurəti barədə sözlərini şərh edərkən bildirib:

"Çin NATO-nu Soyuq Müharibə təfəkküründən əl çəkməyə, Çin haqqında yanlış fikirləri düzəltməyə, Asiya-Sakit Okean regionunun işlərinə qarışmağı dayandırmağa, dünya sülhü və sabitliyinə töhfə verən daha çox işlər görməyə çağırır" .