Almaniyada festivalda attraksion qəzası – 5 nəfər xəsarət alıb

Almaniyanın Bavariya əyalətində keçirilən yaz festivalı zamanı attraksion qəzası baş verib. Bayreuth şəhərindəki tədbirdə dönən yelləncək texniki nasazlıq səbəbindən idarəolunmaz vəziyyətə düşüb.

BAKU.WS iha-ya istinadən xəbər verir ki, hadisə yerli vaxtla saat 18:00 radələrində baş verib. Bütün oturacaqları dolu olan yelləncək yerdəyişmə zamanı sürətini azaltmayıb və oturacaqlar ətrafdakı reklam dirəklərinə çırpılıb.

Qəza nəticəsində 10-32 yaş aralığında olan 5 nəfər xəsarət alıb. Onlardan 3-nün vəziyyəti orta, 2-nin isə yüngül dərəcəli qiymətləndirilib. Hadisə yerinə dərhal təcili tibbi yardım briqadaları cəlb olunub.

Prokurorluğun göstərişi ilə hadisənin təfərrüatları araşdırılmağa başlanılıb.